Главная » 2020 » Март » 23 » Биһиги аҕаларбыт
15:45
Биһиги аҕаларбыт

   Олунньу 17-21 күннэригэр  "Тииҥчээн" бэлэмнэнии бөлөх  оҕолоругар " Биһиги аҕаларбыт" диэн тематическай нэдиэлэни ыытта. Нэдиэлэбитин искусство оскуолатын уруһуй учууталынан үлэлиир Н. М. Алексеев мастер- кылааһынан саҕаланна. Нетрадиционнай ньыманан, трубочканан үрэн, джунгли мастарын уруһуйдуурга үөрэтэн оҕолор интэриэстэрин  тарта, сэҥээртэ.

    Иккис күҥҥэ суһал көмөҕө, баһаарынай чааска үлэлиир аҕаларбыт Н. Н. Олесов уонна В. П. Степанов кэлэн оҕолорго идэлэрин туһунан кэпсээтилэр, ыйытыыларга хоруйдаатылар.Ол күн оҕолор баһаарынай чааска экскурсиялаан, баһаартан сэрэхтээх буолуу туһунан бэсиэдэни истэн кэллилэр.

    Ону таһынан, аҕаларбыт көҕүлээһиннэринэн, Кыайыы 75 сылын чэрчитинэн биһиги уһуйааммыт ветеран иитээччитигэр, сэрии кэмин  оҕотугар Галина Степановна Шадринаҕа көмө акция оҥоһулунна.

    Тематическай  нэдиэлэбитин түмүктээн эҕэрдэ аралдьытыыбыт көхтөөхтүк ааста. Строевой хаамыыга командирбыт Никифоров айсен уһулуччу бэлэмнээҕин көрдөрдө. Уолаттарга уонна аҕаларга  олус көхтөөх эстафета тэрилиннэ. Ийэлэрбит күүстээх аҥардарбытын минньигэс тордунан күндүлээтилэр.

 

Просмотров: 162 | Добавил: Tuyara0403 | Рейтинг: 0.0/0
Всего комментариев: 0
Имя *:
Email *:
Код *: