Главная » 2017 » Ноябрь » 8 » Сэтинньи сонуннара
10:27
Сэтинньи сонуннара

Норуоттар Сомоҕолоhууларын күнэ.

Сэтинньи 4 кунэСомоҕолоhуу, Ил – Эйэ күнэ. Бүтүн Россия үрдүнэн бу күнү олус күүрүүлээхтик, үөрэн-көтөн туран көрсөллөр. Бу күнү биһиги уһуйааммытыгар эмиэ бэлиэтээтибит. Оҕолор эрдэттэн араас омуктар үгэстэрин, таҥастарын, ырыаларын, оонньууларын билистилэр, сомоҕолоһуу туһунан элбэх кэпсээннэри, бэсиэдэлэри иһиттилэр. Аралдьыйыыбытын Доҕордоһуу гимынан арыйдыбыт.Уһуйаан үлэһиттэрэ араас омук буолан ыалдьыттаатылар, бэйэлэрин омуктарын туһунан билиһиннэрдилэр, оонньууларын оонньоттулар. Оҕолор доҕордоһуу, төрөөбүт дойду, сомоҕолоһуу туһунан элбэҕи биллилэр. Түмүгэр араас омуктары кытта «Хоровод дружбы»-флешмоб үнкүүлээн үөрэн-көтөн тарҕастылар.   

Иһитиннэриини бэлэмнээтэ музыкальнай салайааччы Саввина Л.В.

Сэтинньи ыйдааҕы иһитиннэрии

Сэтинньи 17 күнэ. Экология сылыгар анааллаах улуустааҕы «Уоланнар кэпсииллэр» кэтэхтэн ыытыллыбыт видеодоклад ааҕыытын күрэҕэр биһиги уһуйааммытыттан «Күнчээн»улахан бөлөх иитиллээччилэрэ Слепцов Айсиэн,Захаров Марик кытыннылар. Слепцов Айсиэн «Бултааһын- саха төрүт үгэһэ», Марик «Тиэргэннээҕи уоннаойуурдааҕы доҕотторбут» докладтарынан актыыбынай кыттыыны ылан туоһу суругунан бэлиэтэннилэр.

Сэтинньи 19 күнэ.«Межрегиональный центр развития и поддержки одаренной и талантливой молодежи»Федеральнай общественнай учреждение тэрийэн патриотическай ис хоһоонноох«Моя гордость-Россия!»кэтэхтэн көрүү күрэх буолан ааста.Күрэхтэһии оҕолорго уонна эдэр ыччакка араас номинацияларынан ыытылынна.Манна көрүллэр: уруһуй, өйтөн суруйуу,хаартыска, видеоролик, социальнай ис хоһоонноох плакаттар, журналистика,уус-уран айымньы, образовательнай технологиялар. Дьүүллүүр сүбэ оҕолору уонна эдэр ыччаты 5-35 саастарынан көрөн бөлөхтөргө араарбыт. Региоммут араас муннуктарыттан патриотическай ис хоһоонноох араас айымньылар, хаартыскалар, уруһуйдар уонна да атын көрүҥҥэ барыта 400 тахса үлэ киирбит.Биһиги уһуйааммытыттан «Күнчээн» бөлөх (5-7 саастаах бөлөххө) хаартыска күрэҕэр актыыбынай кыттыыны ылан 3степеннээх лауреат аатын ылары ситистилэр. Иитээччилэрбитин Екатерина Константиновна Дьячковскаяны уонна Варвара Гаврильевна Мамаеваны үрдүк ситиһиилэринэн эҕэрдэлиибит.

Сэтинньи 23 күнэ.Олоҥхо нэдиэлэтин чэрчитинэнМО «Радуга» иһинэн «Олоҥхо оҕо хараҕынан»уруһуй күрэҕэ буолан ааста.Күрэхтэһиини «Олонхо кэскилэ» уһуйаан тэрийэн ыытта. Оҕолор уонна төрөппүттэр араас өҥү-дьүһүнү дьүөрэлээн, араас техниканы туттан олоҥхону хайдах ылыммыттарын өйтөн уруһуйдаан ыыттылар. «Күнчээн» бөлөхтөн барыта 10 үлэ барда.Ол курдук, Захаров Марик «Айыллыбыт Аан ийэ дойдум»,Захаров Ильмар«Эрчимэн Бэргэн төрөөбүт дойдута»,Агеев Кустуктаан«Эрчимэн Бэргэн»,Слепцов Айсиэн«Дьулуруйар Ньургун Боотур», Макеева Регина«Ньургун Боотур уонна Ньургун кыыс ыал буолуулара»,Осипова Саша«Туйаарыма Куо уонна Үрүҥ Уолан ыал буолуулара», Никифоров Айсен«Эрчимэн Бэргэн төрөөбүт дойдута», Стручкова Сайаана«Абааһы уола Туйаарыма Куону уоруута», Константинова Виолетта«Аал Луук мас», Заровняева Вика«Ньургун Боотур Уот Сутаакыны кытары хапсыһыылара».Күрэхтэһии түмүгүнэн биһиги оҕолорбут үлэлэрэ бастакы миэстэни ылары ситистилэр. Онтон Захаров Марик 3 степеннээх диплому, кинигэ бэлэх тутта. Оҕолорбут Олоҥхо алыптаах дойдутугар ыалдьыттаан, истэн- сэҥээрэн, уруһуйдарыгар көрдөрдүлэр.

Сэтинньи 25 күнэ. Олонхо декадатын чэрчитинэн улуустааҕы «Көмүс дьүрүһүн» фольклорнай күрэх буолан ааста.Күрэхтэһии сүрүн сыалынан өбүгэ саҕаттан ылламмыт сахалыы ырыалары пропагандалааһын, саха фольклорун оҕолорго кыра саастарыттан уһуйуу буолар.«Ыччат политикатыгар, культураҕа уонна спорка агенство» күрэхтэһиини иилээн- саҕалаан ыытта. Биһиги уһуйааммытыттан улахан бөлөх«Күнчээн» оҕолоро көхтөөхтүк кытыннылар. Салайааччы Саввина Л. В. иитээччилэр Мамаева В. Г.,Дьячковская Е. К. оҕолору бэлэмнээн «Уһуйаан олоҕуттан» дьүһүйүүнү толороннор 1 степеннээх лауреат аатын ылан үөрүүбүт үксээтэ.Таҥастарын тикпит, көмөлөспүт бары төрөппүттэрбитигэр махталбыт улахан.

  

Сэтинньи ыйга уһуйааммыт иһинэн «Мы россияне!»проегынан куклалар выставкалара тэриллэн ыытылынна. Куклаларга Россияҕа олорорараас омуктар национальнай таҥастарын ийэлэрбит тигэн аҕаллылар.

«Мичээр» бөлөх төрөппүттэрэ: Степанова Айсаана ийэтэ Светлана Владимировна «Эвенк» кукланы, Агеев Тускун ийэтэ Туйаара Александровна «Удмуртка» кукланы, Архангельский Георгий ийэтэ Айгуля Георгиевна«Чеченка» кукланы.

«Тииҥчээн» бөлөхтөн Олесова Николина ийэтэ Альбертина Николаевна «Эвенкийка» кукла таҥаһын крючогунан баайан аҕалбыт. Жиркова Альяна ийэтэ Айна Федоровна «Саха кыыһа», Петрова вероника ийэтэ Виктория Ивановна «Бурятка»,Софронеева Лия ийэтэ Зоя Григорьевна«Нанайка» кукланы.

«Күнчээн» бөлөхтөн: Заровняева Вика ийэтэ Селена Романовна «Башкирка»кукланы,Никифоров Айсен ийэтэ Розалия«Татар», Петрова Динара ийэтэ Екатерина Леонидовна«Дагестанка»кукланы.

Ийэлэрбитигэр, эбээлэрбитигэр актыыбынай кыттыыларын иһин махтанабыт.

Иьитиннэриини бэлэмнээтэ:Капитонова М. С.

Просмотров: 246 | Добавил: Tuyara0403 | Рейтинг: 0.0/0
Всего комментариев: 0
Имя *:
Email *:
Код *: