Главная » 2017 » Апрель » 18 » "Мин эйгэм" проект
15:43
"Мин эйгэм" проект

«Мин эйгэм» оҕо уонна төрөппүт бэлэмнээбит проектарын күрэҕэ «Родничок» детсакка.

Сылын аайы биһиги детсаппытыгар оҕо уонна төрөппүт көмөлөөн оҥорбут проектарын күрэҕэ ыытыллар. Проектнай үлэ көмөтүнэн оҕо кругозорун кэҥэтии, билэ-көрө сатыыр, айар-чинчийэр дьоҕурун сайыннарыы буолар.Маннык күрэхтэр оҕо саҥарар саҥатын,тылын саппааһын байыталлар, дьон иннигэр кэпсии үөрэнэллэр.

Ол курдук быйыл муус устар 17 күнүгэр бэлэмнэнии бөлөх оҕолоро бары кыттыылаах күрэхпит буолан ааста. Дьүүллүүр сүбэ үлэ ис хоһоонун, проект тупсаҕай оҥоһуутун, кэпсээччи тылын-өһүн сыаналаата. Дьүүллүүр сүбэҕэ А. В. Семенова, М. П. Тарасова, Л.В. Саввина уонна В. Г. Мамаева сыаналаатылар. Барыта 18 оҕо кытынна. Оҕолор араас темаҕа үлэлэрин бэлэмнээн аҕалан көмүскээтилэр. Ол курдук,Архангельская Амелия-«Кока-кола», Петрова Динара-«Бабочки»,Алексеев Артур-«Волшебная сила магнита», Тюкянов Вадим-«Разработка индикатора звуковой волны»,Заровняев Гриша-«Зачем чистить зубы?», Лукин Эрчим- «Морская свинка-мой любимый питомец»,Петров Даниил-«Поделки из соленого теста»,Михайлов Дьулус-«Кристаллы из соли»,Винтоняк Эвелина-«Как сделать лавовую лампу? »,Никифоров Сема-«Как сделать радугу?»,Степанова Нелли-«Лего»,Осипова Кристина-«Мыло»,Петрова Амелия-«Томат»,Павлова Жолина-«Шоколад- вред или польза?»,Михайлова Эвелина-«Вторая жизнь упаковки», Платонов Дима-«Отон»,Тарасова Мичийэ-«Саха тыла»,Николаева Сандаара-«Мыльные пузыри». Бу үлэлэртэн аҕыһа иһитиннэрэр-биллэрэр, уон үлэ- чинчийэр, опыттар. Оҕолор слайданан кэпсииллэрин таһынан, сонно опыттарын көрдөрөн болҕомтону таттылар. Долгуйбакка, көрөөччүгэ интэриэһи тардан, бэйэлэрин саастарыгар сөптөөх темалары булан сэҥээриини ыллылар.

Бу киэһэ кыайыылааҕынан буоллулар: Тюкянов Вадим- I миэстэ,Никифоров Сема- II миэстэ, Лукин Эрчим- III миэстэ. Бары кыттыбыт оҕолорго өйдөбүнньүк сертификат бэрилиннэ, онтон кыайыылаахтарга-грамота уонна плакеткалар.

Иһитиннэриини бэлэмнээтэ: Капитонова М. С.

Просмотров: 216 | Добавил: Tuyara0403 | Рейтинг: 0.0/0
Всего комментариев: 0
Имя *:
Email *:
Код *: