Главная » 2018 » Март » 13 » Танцует Родничок
14:01
Танцует Родничок

    Кулун тутар 6 күнүгэр биһиги уһуйааммытыгар сааскы маҥнайгы бырааһынньыгы, Аан дойду дьахталларын күнүн көрсө «ТАНЦУЕТ РОДНИЧОК» диэн оҕо уонна төрөппүт үҥкүүтүн күрэҕэ ыытылынна. Сүрүн сыала: оҕо үҥкүүлүүр дьоҕурун арыйыы, талааннаах дьиэ кэргэни өйөөһүн. Күрэх балаһыанньатынан төрөппүт оҕотун кытары үҥкүү туруоран үҥкүүлээн, үҥкүү ис хоһоонун арыйыахтааҕа.

   Манна хас биирдии группаттан талааннаах төрөппүттэр, үҥкүү кэрэ эйгэтин сэҥээрээччилэр муһуннулар. Барыта сэттэ дьиэ кэргэн кытынна, кэрэхсэбиллээҕэ аҕалар актыыбынай кыттыыны ыллылар, Күрэх бэрт интэриэһинэйдик, тэрээһиннээхтик ааста. Манна араас чаҕылхай үҥкүүлэр, сонун нүөмэрдэр биһигини соһуттулар, үөртүлэр. Хас биирдии кыттааччылар таҥас- сап тиктэн, музыкатын таба талан, сөптөөх атрибуттанан үҥкүү ис хоһоонун толору арыйдылар. Ол курдук кыра бөлөхтөн Амелия, эдьиийэ Лизалыын уонна ийэтэ Майя Борисовна Копыловалар китайскай «кырачаан лыах» үҥкүүнү толордулар. Тускун, Кустуктаан уонна Туйаара Александровна Агеевтар папуастар үҥкүүлэрин «Чунга- Чанга»-ны, Амелия, Анжелика, эдьиийдэрэ Колымана уонна аҕалара Иннокентий Николаевич Гермогеновтар «Хотугулуу үҥкүүнү». Николина уонна Николай Николаевич Олесовтар «Кукла уонна Эһэ» толорон көрөөччү биһирэбилин ыллылар. Алесса, Милена Николаевна Александровалар «Якутяночка»-ны.Улахан бөлөх иитиллээччилэрэ Диана ийэтэ Мария Сергеевна Захаровалар «Индийскай үҥкүүнү» уонна Вика ийэтэ Селена Романовна Заровняевалар хотугулуу үҥкүүнү толордулар.

   Дьүүллүр сүбэни кытары билиһиннэрдэххэ уһуйаан салайааччыта Анастасия Валерьевна Семенова, старшай воспитатель Ньургустана Владимировна Абрамова, музыкальнай салайааччы Лидия Владимировна Саввина уонна бэтэрээн үлэһиппит убаастабыллаах Марфа Павловна Тарасова сыаналаатылар. Дьүүллүүр сүбэ репертуары, толорооччу маастарыстыбатын, үҥкүү ис хоһоонун толору арыйыыны уонна артистичноһы болҕойон көрдө. Күрэхпитин Туяра Александровна Татаринова уонна Марианна Семеновна Капитонова иилээн – саҕалаан ыыттылар.

     Тыҥааһыннаах күрэхпит түмүгэ маннык буолла. Муҥутуур кыайыылааҕынан Гран- При ааты Виктория, Селена Романовна Заровняевалар ыллылар. Бастакы степеннээх лауреаты Николина, Николай Николаевич Олесовтар, иккис степеннээх лауреты Тускун, Кутсуктаан уонна Туйаара Александровна Агеевтар. Үһүс степеннээх лауреаты Амелия, Лиза, Майя Борисовна Копыловалар. «Лучший сценический образ» номинацияны Аделия, Анжелика, Колымана , аҕалара Иннокентий Николаевич Гермогеновтар, «Грациозная пара»- Алесса ийэтинээн Милена Николаевна Александровалар, «Самый красочный танец»- Диана ийэтинээн Мария Сергеевна Захаровалар ыллылар Кыттаччылары эҕэрдэлээн улахан бөлөх иитилллээччилэрэ «Уһуйаан олоҕуттан» фольклорнай композицияны, «Мамин праздник» ырыаны ыллаатылар. Орто бөлөх- «Биһиги маамабыт» ырыаны,«Ол оҕо» хоһоону толордулар. Кырачааннарбыт «Эбээм» уонна «Ийэҕэ бэлэх» хоһоон кэһиилээх кэлбиттэр.

   Түмүккэ сүүйүүлээх лотерея оонньонон ыалдьыттарбыт кэһиилээх тарҕастылар. Бу күрэххэ кыттыбыт бары дьиэ кэргэттэргэ махталбытын биллэрэбит.

Иһитиннэриини бэлэмнээтэ: М. С. Капитонова.

 

Просмотров: 195 | Добавил: Tuyara0403 | Рейтинг: 0.0/0
Всего комментариев: 0
Имя *:
Email *:
Код *: