Главная » 2019 » Апрель » 23 » «Ыллыах, кэрэни туойуох!»
11:41
«Ыллыах, кэрэни туойуох!»

Муус устар 12 күнүгэр, Аһыма бөһүөлэгэр үһүс төгүлүн «Ыллыах, кэрэни туойуох!» Улуустааҕы дьиэ – кэргэнинэн ырыа күрэҕэ буолан ааста. Бу күрэххэ улууспут 15 саамай актыыбынай, талааннаах дьиэ – кэргэттэрэ кыттыыны ыллылар. Ол курдук биһиги уһуйааммытыттан орто бөлөх иитиллээччитэ Ирена Павлова ийэтин уонна эдьиийин кытары «Саха кыыhа» ырыанан кыттан «Ыллам ырыалаах дьиэ – кэргэн» номинация хаһаайыттарынан буоллулар, улахан бөлөх иитиллээччитэ Марик Григорьев ийэтин, аҕатын, кэрэчээн эдьиийдэрин кытары «Туругурдун дьиэ – кэргэн!» ырыанан күрэх Гран – при хаһаайыттарынан буоллулар.

Дьүүллүүр сүбэ күрэх кыттыылаахтара олус эппиэтинэстээхтик сыһыаннаһан, үчүгэйдик бэлэмнэнэн ситиһиилээхтик кыттыбыттарын ыйдылар, эҕэрдэ тылларын эттилэр.

Өссө төгүл уһуйааммыт талааннаах дьиэ – кэргэттэрин, иитээччилэри итиитик – истиҥник эҕэрдэлиибит! Ырыанан иитии оҕо уйан куттаах, сиэрдээх майгылаах, дэгиттэр сайдыылаах киһилии киһи буолан улаатарыгар олук охсор, онон ырыа педагогиката сайдарыгар, ырыа куттаах ыал элбииригэр баҕарабыт.

Иһитиннэриини бэлэмнээтэ: Саввина Л.В., музыкальнай салайааччы

 

 

Просмотров: 90 | Добавил: Tuyara0403 | Рейтинг: 0.0/0
Всего комментариев: 0
Имя *:
Email *:
Код *: