Главная » 2014 » Март » 17 » Ырыа куттаах дьиэ кэргэн
12:27
Ырыа куттаах дьиэ кэргэн

Кулун тутар 7 кунугэр, сааскы маҥнайгы бырааһынньыгы көрсө, биһиги детсадпытыгар олус уөруулээх, ураты кун буолан ааста. Ол курдук ырыа алыптаах кустугар уйдаран «Поющая семья» диэн дьиэ-кэргэттэргэ аналлаах ырыа курэҕэ ыытылынна. Бу күрэххэ биьиги иитиллээччилэрбит чугас дьоннорун кытары көрөөччулэргэ, дьүүллүүр субэҕэ бэйэлэрэ талбыт,бэлэмнээбит ырыаларын ыллаан иһитиннэрдилэр.

Уопсайа 8 дьиэ- кэргэн кыттыыны ылла.Ол курдук, кыра бөлөх иитиллээччитэ Айхал Оконешников Эдьиийинээн Сайааналыын, ийэтинээн Агафья Егоровналыын «Эьиэхэйдээх ырыа» диэн тэтимнээх ырыанан, орто бөлөхтөн   Нарыйаана Мартынова убайынаан Артемнуун «Куну кытта оонньуубун», Еленочка Петрова ийэтинээн Марианна Степановналыын «Мин маамам» диэн олус истин ырыанан, улахан бөлөх иитиллээччитэ Сема Степанов ийэтинээн Анна Ивановналыын «Утуөкэн да тыллар» диэн көрдөөх ырыанан, бэлэмнэнии бөлөхтөн Никита Татаринов ийэтинээн Прасковья Валерьевналыын уонна эбэтэ Антонина Николаевналыын сахалыы инструменнарынан доҕуһуоллатан «Кэрэтик ыллыыгын» ырыанан, Даниэль Корякин буттуун дьиэ-кэргэнин кытары «Дьиэ-кэргэн» диэн олус сэргэх ырыанан, Сыромятникова Сандаара балта Валериялыын уонна ийэтэ Сардаана Степановналыын сайыны санатан «Амсат эрэ дьэдьэнниттэн» диэн ырыаны, убайдыы-балыс Ньургун, Сайаана Васильевтар эдьиийдэрэ Миланалыын уонна ийэлэрэ Саргылаана Марковналыын «Туругурдун дьиэ-кэргэн» диэн ырыанан кытыннылар. Кырдьык да бары талааннаах, иллээх, сатабыллаах буолан бэрткэ бэлэмнэнэн кэлбиттэр.

Дьүүллүүр сүбэ 8 номинация биэрэн сыаналаатылар. Тумук маннык буолла:

«Самая творческая семья»-Сыромятниковтар дьиэ-кэргэттэрэ, «Самая дружная семья»-Даниэль Корякин дьиэ-кэргэнэ, «Самая музыкальная семья»-Татариновтар дьиэ-кэргэттэрэ, «Лучший сценический костюм»- Мартыновтар дьиэ-кэргэттэрэ, «Самая артистичная семья» - Оконешниковтар дьиэ-кэргэттэрэ, «Оригинальность репертуара» - Петровтар дьиэ-кэргэттэрэ, «Самый яркий дебют» - Степановтар дьиэ-кэргэттэрэ ылыан ыллылар.Саамай бастын«Лучшая поющая семья» аатын сүктүлэр Васильевтар дьиэ-кэргэттэрэ.Дьүүллүүр субэ курэх кыттыылаахтара олус эппиэтинэстээхтик сыһыаннаьан,учугэйдик бэлэмнэнэн ситиһиилээхтик кыттыбыттарын ыйдылар, эҕэрдэ   тылларын эттилэр.Курэх кэннэ детсад иитиллээччилэрэ Аан-дойду кэрэ аҥаардарын күнүнэн эҕэрдэлээн кэнсиэр көрдөрдүлэр, көрөөччүлэр биһирэбиллэрин ыллылар.

Ырыанан иитии оҕо уйан куттаах, сиэрдээх майгылаах, дэгиттэр сайдыылаах, киһилии киһи буолан улаатарыгар олук охсор, онон ырыа педагогиката сайдарыгар, ырыа куттаах ыал элбииригэр баҕарабыт.

 

 

Просмотров: 550 | Добавил: Tuyara0403 | Рейтинг: 0.0/0
Всего комментариев: 0
Имя *:
Email *:
Код *: